Yol polisi maşını qəza şəraiti yaratdı - VİDEO

Tez-tez yol patrul xidmətinin müfəttişlərinin xüsusi təyinatlı sayrışan işıqlarını yandıraraq kobud surətdə qayda pozuntuları edirlər, guya işbaşındadırlar, onlara hər şey olar. Hələ demirik ki, onlar heç vaxt sükan arxasında təhlükəsizlik kəməri taxmırlar və istər yolda hərəkəti tənzimləyərkən, istərsə də sükan arxasında mobil telefondan istifadə edirlər. 

Bu yaxınlarda bizim obyektivə yol patrul xidmətinin müfəttişlərinin “ən nizamlı idarəetmə” rekordları qira biləcək bir video tuş gəlib. Bu video ilə sizi də tanış etmək istəyirik. Bu videoda aydın əks olunur ki, 10-YP-347 dövlət nömrə nişanlı yol patrul xidmətinin avtomobili xüsusi təyinatlı sayrışan işıqları yandırmadan işıqforun qırmızı işığında yol ayrıcısına daxil olur (başqası olsaydı 3 bal və 40 manat cərimə yazardılar) və yaşıl işıqda hərəkət edən avtomoibil üçün qəza şəraiti yaradır (4 bal və 60 manat cərimə). Xoşbəxtlikdən digər avtomobilin sürücüsü troyektoriyasını dəyişərək qəzadan yan keçir. Demək olar ki, onlar arasındakı məsafə bir neçə santimetrə bərabər olur. Belə olan halda normal sürücülərə yol hərəkətini tənzimləyənlərə baxaraq onlardan ibrət götürürlər. Big.az