Yol polisi sürücünü təhqir etdi - VİDEO

Paytaxtda yol polisinin nəqliyyat qaydalarını pozması ilə bağlı video yayılıb. Görüntü sosial şəbəkədə yayılıb. Videodan da göründüyü kimi, avtomobili polis tərəfindən cərimə meydançasına aparılan sürücü DYP əməkdaşının maşını telefonla danışaraq idarə etməsini lentə alıb. Bundan əsəbləşən yol polisi isə sürücünün telefonunu ondan alıb. Daha sonra tərəflər arasında mübahisə yaranıb. Polis əməkdaşı telefonunu istəyən sürücüyə "gördün, maşını sürə-sürə telefonu əlindən necə aldım? Malış, ağıllı ol” deyib. Baş Dövlət Yol Polis İdarəsinin ictimaiyyətlə əlaqələr şöbəsinin rəisi Kamran Əliyev isə Anspress-ə açıqlamasında faktla bağlı məlumatının olduğunu və araşdırma aparıldığını deyib.