Yük avtomobili uçuruma yuvarlandı: 3-ü ağır, 11 yaralı

Dağıstanda yük avtomobilinin iştirakı ilə ağır yol qəzası baş verib. Avtosfer.az xəbər verir ki, hadisə respublikanın dağlıq ərazisi olan Bejtinsk bölgəsində qeydə alınıb. Bu barədə yerli xilasetmə xidmətindən məlumat verilib. 

Məlumata görə, çaykənarı dar yolda hərəkət edən yük maşını, torpaq sürüşməsi səbəbindən 1,5 -2 metr hündürlükdən uçuruma yuvarlanıb.

Qəza nəticəsində 11 nəfər müxtəlif dərəcəli bədən xəsarətləri alıb. Yaralılar, hadisə yerinə cəlb edilmiş təcili tibbi yardım briqadasının köməkliyi ilə xəstəxanaya çatdırılıb. Onlardan 2 qadının və 9 yaşlı yeniyetmənin vəziyyəti ağırdır.

Faktla bağlı araşdırma aparılır.

Namiq Musayev