Yük maşını bir anda 5 avtomobili yox elədi – DƏHŞƏTLİ VİDEO

Bəzən düşünürük ki, ağır yol qəzaları təkcə Azərbaycanda baş verir. Bəzilərinə elə gəlir ki, təcrübəsiz sürücülər yalnız bizdə olur. Amma dünyanın hər yerində ağır qəzaların baş verdiyini və təcrübəsiz sürücülərin hər yerdə olduğunu qəbul etmək lazımdır. Sadəcə, onlara qarşı mübarizə düzgün aparılmalıdır.

Bu video xarici ölkələrin birində avtomobildə quraşdırılmış videreqistrator vasitəsilə çəkilib. Avtosfer.az-ın məlumatına görə, svetaforun yaşıl işığında hərəkətə başlayan üç avtomobil anidən sağdan yüksək sürətlə hərəkət edən «Kamaz»ın «hucumuna» məruz qalır. Kadrlardan da görürük ki, bir anda hər üç avtomobil yoxa çıxır və onlardan birinin parçalanmış hissəsi görünür. Bu üç avtomobildən əvvəl isə «Kamaz» sağ tərəfdə daha iki nəqqliyyat vasitəsini vurub əzir…

Videonu ona görə təqdim edirik ki, bəzən sürücülər svetaforda yaşıq işıq yanan kimi sürətlə hərəkətə başlayırlar. Amma hərəkətə başlamazdan əvvəl sağa-sola baxmaq, yaxınlışmaqda olan nəqliyyatın vasitəsinin olub-olmadığını dəqiqləşdirmək lazımdır. Mümkündür ki, biri sərxoş olar, biri sürət həddini aşıb sükanı əldən buraxar, bir başqası yanıb-sönməkdə olan svetaforun yaşıl və ya sırı işığında keçməyə çalışar. Ən başlıcası isə xüsusi təyinatlı avtomobil və ya içərisində xəstə, yaralı olan nəqliyyat vasitəsi sizə işarə vermədən yolunaza çıxa bilər. Bütün hallarda yollarda diqqətli olub, özümüz öz həyatımızı təhlükədən qorumağı bacarmalıyıq.

Avtosfer.az