Zaqatalada maşın yanıb - FOTOLAR

Zaqatalada minik avtomobili yanıb. Avtosfer.az xəbər verir ki, Fövqəladə Hallar Nazirliyinin (FHN) Zaqatala rayon Dövlət Yanğından Mühafizə Hissəsindən lent.az-a verilən məlumata görə, yanğın hadisəsi  dekabrın 28-i axşam saat 21 radələrində Yevlax-Zaqatala-Gürcüstan sərhəd magistral yolunun Zaqatala rayonu Qımır kəndi ərazisindən keçən hissəsində qeydə alınıb. Zaqatala şəhər sakini, 1987-ci il təvəllüdlü Bayram İlham oğlu Vəliyev idarə etdiyi “VAZ  2109” markalı  10 CT 668 dövlət nömrə nişanlı avtomobillə Zaqatala şəhəri istiqamətində hərəkətdə olarkən maşında qəfildən alovlanma başlayıb. Hadisə yerinə FHN-nin Zaqatala rayon DYMH-nin texnikası və canlı qüvvəsi cəlb edilib. Yanğın nəticəsində minik avtomobilinin yanar konstruksiyaları tam yanaraq maşın yararsız hala düşüb. Yanğın zamanı sürücü Bayram Vəliyev xəsarət almayıb.

Faktla bağlı FHN-nin Zaqatala rayon DYMH-də araşdırma aparılır.