Zəfər Günü “avtoş”luq edən sürücü HƏBS OLUNDU - FOTO

Gəncə şəhər ərazisində avtoxuliqanlıq edərək ictimai-asayişi pozan sürücü saxlanılıb.

DİN Mətbuat Xidmətinin Gəncə regional qrupundan Lent.az-a verilən məlumata görə, Samux rayon sakini Mirzə Rzayevin 8 noyabr Zəfər Günündə qohumuna məxsus “VAZ 2106” markalı avtomobil ilə yol hərəkəti qaydalarını kobud şəkildə pozaraq avtoxuliqanlıq etdiyi, yol qəzası törədərək hadisə yerindən yayınması və həmin hərəkətləri sosial şəbəkələrdə paylaşması məlum olub.  

Həmin şəxs barəsində inzibati qaydada protokollar tərtib edilərək baxılması üçün məhkəməyə göndərib. Məhkəmənin qərarı ilə M.Rzayev sürücülük hüququndan 1 il müddətinə məhrum edilməklə 30 sutka inzibati qaydada həbs edilib.