Zərdab polisi aztəminatlı ailələrə bayram sovqatları paylayıb - FOTO

Zərdab rayonunda qurban bayramı münsibəti ilə aztəminatlı ailələrə bayram sovqatları verilib. Bayramla əlaqədar Zərdab Rayon Polis Şöbəsinin əməkdaşları tərəfindən rayon ərazisində şəhid ailələrinə, eləcə də aztəminatlı insanlara sovqat paylanılıb. Polis əməkdaşları qeyd edilən ailələrə baş çəkərək onları bayram münasibətilə təbrik edib müxtəlif ərzaq məhsullarından ibarət ərzaq bağlamalarını təqdim ediblər. Ümumilikdə polislər tərəfindən 20 ailəyə bayram sovqatı paylanılıb. Sakinlər göstərilən bu diqqət və qayğıya görə asayiş keşikçilərinə minnətdarlıqlarını bildiriblər.

Namiq Musayev