Zinət əşyaları daşıyan iki yük maşını qarət olundu

Fransanın şərqində Yonna departamentində naməlum şəxslər zinət əşyaları daşıyan iki yük maşını qarət ediblər. Avtosfer.az Rusiya mətbuatına istinadən xəbər verir ki, onlar yük maşınlarından 9 milyon avro dəyərində zinət əşyası aparıblar. Yük maşınlarına 15 nəfərdən ibarət qrupun hücum etdiyi bildirilir. Hadisə Paris-Lion yolunda baş verib. Zinət əşyalarını oğurlayan cinayətkarlar hadisə yerindən 4 avtomobillə uzaqlaşıblar. Fransa polisi onların axtarışlarını həyata keçirir.