3 dəqiqə ərzində 2 dəfə qayda pozan “Prius” sürücüsü - VİDEO

Kobud şəkildə qaydaları pozan “Prius” sürücüsü avtomobillərdən birinin videoregistratoru tərəfindən anbaan qeydə alınıb.

Avtosfer.az xəbər verir ki, hadisə Masazır dairəsindən Abşeron Gənclər şəhərciyinə gedən yolda baş verib. Belə ki, 01-CF-350 dövlət nömrə nişanlı, “Toyota Prius” markalı avtomobilin sürücüsü öncə sağ zolaqdan ötmə əməliyyatı edərək qəza şəraiti yaradır. Sonra isə baş vermiş qəzanı izləmək üçün yolun hərəkət istiqamətində dayanaraq zolağı kəsir. Üstəlik bununla kifayətlənməyən sürücü tək zolaqlı yolda sağa dönmək istəyən avtomobili sağ tərəfindən sıxışdıraraq önünü kəsir və ötmə əməliyyatını yerinə yetirərək yenidən qəza şəraiti yaradır.

Qeyd edək ki, sürücü İnzibati Xətalar Məcəlləsinin müvafiq maddələrinə görə məsuliyyyətə cəlb edilə bilər.

Fərid