Masazırdakı dəhşətli qətlin TƏFƏRRÜATI: 20-yə yaxın bıçaq zərbəsi endirib - YENİLƏNİB

Masazırda törədilən qətlin bəzi detalları məlum olub.

Lent.az-ın əldə etdiyi məlumata görə, Elnur Musayev həyat yoldaşı ilə boşanma ərəfəsində olub.

O, bu gün evə əşyalarını götürmək üçün gedibmiş. Bu zaman ərlə arvad arasında yenidən münaqişə yaranıb. Münaqişə sonda qanla bitib və Elnur Musayev boşanma ərəfəsində olduğu həyat yoldaşına 20-yə yaxın bıçaq zərbəsi endirib.  

***

Abşeronda 25 yaşlı qadın qətlə yetirilib, əri şübhəli bilinir.

Bu barədə Avtosfer.az-a Daxili İşlər Nazirliyinin (DİN) Mətbuat Xidmətindən məlumat verilib.

Bildirilib ki, avqustun 24-də 13:30 radələrində Abşeron rayonunun Masazır qəsəbəsində 1998-ci il təvəllüdlü İsaqova Səkinəxanım Vaqif qızının kəsilmiş-deşilmiş xəsarətlərdən ölməsi barədə polisə məlumat daxil olub.

Cinayət əməlini törətməkdə şübhəli bilinən qadının həyat yoldaşı, 1995-ci il təvəllüdlü Musayev Elnur Nurəli oğlu könüllü polisə gələrək təslim olub.

Araşdırma aparılır.