Ağdamda qonşu qonşuya bellə xəsarət yetirib

Ağdamda qonşular arasında mübahisə cinayətlə nəticələnib.

Avtosfer.az -ın xəbərinə görə, hadisə rayonun Çıraqlı kəndində qeydə alınıb.

Kənd sakini Əhmədov Firəddin Qənbər oğlu həmkəndlisi Paşayev Saqi Dərgah oğlu ilə həyətin yaxınlığına zibil tökməyin üstə aralarında mübahisə yaranıb.

Nəticədə F.Əhmədov həmkəndlisi S.Paşayevin başına əlindəki bellə xəsarət yetirib. Yaralı S.Paşayev Bərdə Diaqnostika Mərkəzinə çatdırılıb.

Faktla bağlı araşdırma başlanıb.(APA)