Ardıcıl qayda pozan sürücüyə həmkarı baxın necə reaksiya bildirdi - VİDEO

Sürücü eyni anda bir neçə qayda pozuntusu törədərək qəza şəraiti yaradıb.
Avtosfer.az-ın məlumatına əsasən, qınaq obyektinə çevrilən hadisə Sabunçu rayonunun Kürdəxanı qəsəbəsində baş verib. Videoregistratora düşən görüntüdən bəlli olduğu kimi, öz zolağı ilə gedən nəqliyyat vasitəsi “Pick-up”ın baş vurduğu qayda pozuntusu ilə qəza şəraitinə məruz qalıb. Qoşa xətdən sola dönən “Pick-up” etdiyi yanlışla kifayətlənməyib. Belə ki, o, dayanma-durma qaydasına məhəl qoymayaraq avtomobilini maşın yolunda parklayıb və nəqliyyat vasitəsinin yolunu kəsib. Nəticədə digər zolağa keçmək məcburiyyətində qalan sürücü qayda pozan şəxsə “xəstəsən?” deyə reaksiyasını bildirib. 
Qeyd edək ki, sürücünün baş vurduğu qoşa xəttin tələbinin pozulması İnzibati Xətalar Məcəlləsinin müvafiq maddəsinə əsasən, 100 manat və 4 bal cəriməylə nizamlanır. Həmçinin dayanma-durma qaydasını gözardı edərək qəza təhlükəsi yaratdığı üçün 20 manat cərimə də ödəmək məcburiyyətindədir.

Nərmin