Avtomobili Google-un baş ofisinə çırpmaq istədi: insanları əzdi

Ruhi xəstə olan sürücü, Nyu-Yorkun Manhettendə yerləşən Google-un baş qərargahını sındırmağa çalışıb. Amma bunun əvəzinə o, səkiyə çıxaraq, üç nəfəri vurub, sonra isə yaxınlıqdakı binaya çırpılıb.

Avtosfer.az xəbər verir ki, şəhər polisi Google tərəfindən işgəncələrə məruz qaldığını iddia edən 34 yaşlı Ceyson Bittonu həbs edib. Polis maşının yanında üzərində “Google mənə işgəncə verdi” yazısı və bir qab benzin tapıb.

Bittonun sosial şəbəkələrdən birindəki profilində deyilir ki, Google mütəmadi olaraq ona fiziki və psixoloji iztirablar verir və o, bu barədə illər ərzində yazır.

Sürücü hücuma cəhd, “ehtiyatsızlıqla təhlükə törətmək” və “ehtiyatsızlıqdan avtomobil idarə etmək” maddələri ilə ittiham olunub.

Leyla