Avtomobili sıxışdıran “Sprinter” baxın necə qəza şəraiti yaratdı - VİDEO

Ötmə qaydasını gözardı edən sürücü sağ zolaqdakı avtomobili sıxışdıraraq qəza şəraiti yaradıb.
Avtosfer.az xəbər verir ki, mövcud qayda pozuntusu avtomobilin videoregistratoruna anbaan düşüb. Görüntüdən aydın olduğu kimi, “Mercedes Sprinter” markalı minik vasitəsi yolun sağ zolağında irəliləyən “Mercedes” markalı avtomobilin yoluna girib. Dönmə işığını yandıran “Sprinter” “Mercedes”i yol boyunca sıxışdıraraq önə keçməyə çalışıb. Videoya diqqətlə baxdığımız zaman yol ayrıcına çatan minik avtomobilinin qəza şəraiti yaratdığını və şikayətçinin sağa dönməsi ilə yaranmış təhlükəni aradan qaldırdığını görə bilərik. Bununla kifayətlənməyən “Sprinter” dəmir yol keçində də ötmə qaydasının qadağan olmasına baxmayaraq əməlindən əl çəkməyib. Üstəlik şikayətçi ilə qurduğu dialoq zamanı etdiyi səhvi anlamaq əvəzinə, özünə haqq qazandırıb.
Qeyd edək ki, sürücüsünün baş vurduğu qayda pozuntusu İnzibati Xətalar Məcəlləsinin 327.3 maddəsinə əsasən, 80 manat və 4 bal cərimə ilə nizamlanır. 

Nərmin