Azərbaycan pasportu daşıyan erməni saxlanıldı - Deportasiya ediləcək

ABŞ-ın İmmiqrasiya və Gömrük Polisi əməkdaşları Los-Ancelesdə Azərbaycan pasportu olan qeyri-qanuni miqrantı həbs ediblər. Avtosfer.az-ın "Fox News"a istinadən məlumatına görə, həmin şəxs bir neçə dəfə məhkum olunub – o, heyvanlara qarşı qəddarlıq, yanğın törətmə və qadağan olunmuş maddələrin saxlanmasına görə məhkəmə qarşısına çıxıb. ICE-in məlumatına əsasən, Azərbaycan əsilli Rafael Vladimiroviç Sarkisyan 25 noyabrda Los-Ancelesdə saxlanılıb və deportasiya prosesi başa çatanadək həbsdə qalacaq. Məlumata görə, saxlanılan Sarkisyan 1990-cı illərin əvvəlində sovet pasportu ilə Azərbaycandan köçən ermənilərdən biridir və bu səbəbdən müstəqil Azərbaycan Respublikasının vətəndaşı sayılmır. Bununla belə, ABŞ-ın İmmiqrasiya və Gömrük Polisi onu çox güman ki, Azərbaycana deportasiya edəcək.