Azərbaycan səfirliyinə hücum edən şəxsin işi üzrə məhkəmə iclası keçirilib - FOTO

Hadisə 27 Yanvar 2024 22:00 Oxunub 274
Azərbaycan səfirliyinə hücum edən şəxsin işi üzrə məhkəmə iclası keçirilib   - FOTO
WhatsApp kanalımıza abunə ola bilərsiniz

Azərbaycanın səfirliyinə hücumu törədən şəxs barəsində cinayət işi üzrə məhkəmə iclası təqsirləndirilən şəxs və onun vəkillərinin iştirakı ilə keçirilib.

Bu barədə İRNA agentliyi məlumat yayıb.

Məhkəmə iclasında Azərbaycan Respublikası səfirliyinin bir sıra məsul şəxsləri də iştirak edib.

İclasın əvvəlində hakim tərəfindən təqsirləndirilən şəxsə ittiham izah edilib və prokurorun nümayəndəsi ittiham aktını oxuyub.

Yayımlanan ittiham aktına əsasən, Azərbaycan Respublikasının Səfirliyinə hücumu törədən şəxs səfirlik daxilində odlu silahdan istifadə etməklə Azərbaycan Respublikası vətəndaşını qəsdən öldürmək, qanunsuz silah və döyüş sursatı almaq, gəzdirmək və saxlamaqda məsuliyyət daşıyır. O, 1 Kalaşnikov və 1 tapançadan istifadə edərək ictimai asayişi pozmaqda ittiham olunur.

İş üzrə təqsirləndirilən şəxslərin digər ittihamları sırasında səfirliyin Azərbaycan vətəndaşı olan üç əməkdaşının vurulması və qəsdən xəsarət yetirilməsi də var.

Prokurorun nümayəndəsi ittiham aktını oxuduqdan sonra təqsirləndirilən şəxs və vəkili müdafiə çıxışı edib.

Sonda hakimin elanı ilə bu iş üzrə icraatın başa çatması elan edilib və məhkəmənin sədri hökmün qanuni müddət ərzində çıxarılacağını vurğulayıb.

Qeyd edək ki, Azərbaycan bir ildir, bu terrorun ciddi araşdırılacağını, təşkilatçıların cəzalandırılacağını gözləsə də, bu, hələ ki nəticəsiz qalıb.

Maraqlıdır ki, belə bir terrorda təqsirləndirilən şəxsin fotosunu İRNA agentliyi açıq şəkildə yayımlamır. (qafqazinfo)

ŞƏRH YAZ
Ad

E-mail

Şərh