Azərbaycanda istirahət mərkəzində BIÇAQLANMA - YENİLƏNİB

Dekabrın 15-də Masallı rayonu ərazisindəki istirahət mərkəzlərinin birinin ərazisindən rayon sakini A.Ağayevin kəsilmiş-deşilmiş xəsarətlərlə xəstəxanaya gətirilməsi barədə polisə məlumat daxil olub.

DİN-in Mətbuat Xidmətinin Lənkəran regional qrupundan Avtosfer.az-a verilən məlumata görə, Masallı Rayon Polis Şöbəsinin əməkdaşlarının keçirdikləri əməliyyat tədbiri nəticəsində cinayət əməlini törətməkdə şübhəli bilinən rayon sakini, əvvəllər soyğunçuluğa görə məhkum olunmuş Rabil Nurullayev müəyyən olunaraq saxlanılıb.

Araşdırma aparılır.

***

Masallıda bıçaqlanma hadisəsi olub.

Lent.az-ın məlumatına görə, hadisə Qəriblər kəndində yerləşən “Turist” istirahət mərkəzinin həyətində baş verib.

45 yaşlı Rabil Adil oğlu Nurullayev şəxsi münasibətlər zəminində 44 yaşlı həmkəndlisi Asiman Arzuman oğlu Ağayevə bir neçə bıçaq xəsarəti yetirib.

Hadisəni törədən R.Nurullayev saxlanılıb.

Faktla bağlı cinayət işi başlanıb.