Bağça müəlliməsinin polisləri şoka salan hərəkəti: 25 uşağı...

Özbəkistanın Buxara vilayətinin Gijduvan rayonunda özəl uşaq bağçasının müəllimi "Spark" markalı avtomobildə 25 uşağı aparıb.

Bu barədə vilayət yol hərəkəti təhlükəsizliyi idarəsi məlumat yayıb.

Uşaqlar avtomobilin arxa oturacaqlarında, ön oturacağında və yük yerində olublar. Qadın onların evlərinin çox yaxında olduğunu və bunu ilk dəfə etdiyini söyləyib.

Qadının yaşadığı məhəllədə yol polisi əməkdaşlarının və sakinlərin iştirakı ilə profilaktiki söhbət aparılıb.

Yol hərəkəti təhlükəsizliyi idarəsinin əməkdaşları valideynləri övladlarını bağçaya apara və evlərinə geri gətirə bilmədikləri üçün qınayıb. (musavat)