Avtomobildən 5 min manatdan çox pul oğurlayan keçmiş məhkum tutuldu

Bakıda maşından külli miqdarda pul oğurlanıb.

Daxili İşlər Nazirliyinin mətbuat xidmətindən verilən məlumata görə, Səbail rayon Polis İdarəsi 41-ci Polis Bölməsi əməkdaşlarının keçirdikləri əməliyyat tədbiri nəticəsində iyulun 11-dən 19-dək olan müddətdə rayon ərazisində 5 avtomobildən içərilərində ümumilikdə 500 manat və 4350 dollardan çox vəsait olan cüzdan və çantalar oğurlamaqda şübhəli bilinən Sumqayıt şəhər sakini, əvvəllər oğurluq və narkotiklərlə əlaqəli cinayətlərə görə məhkum olunmuş Nizami Ağayev müəyyən olunaraq saxlanılıb. 

Araşdırma aparılır.