Bakıda kişi mağazaya girib satıcını qarət etdi

Bakıda satıcı qarət olunub.

Daxili İşlər Nazirliyindən verilən məlumata görə, Bakıxanov qəsəbəsi ərazisində yerləşən mağazaların birində satıcının 1500 manat pulu və mobil telefonu oğurlanıb.

Sabunçu RPİ 13-cü Polis Şöbəsi əməkdaşlarının keçirdikləri əməliyyat tədbiri nəticəsində oğurluqda şübhəli bilinən Yevlax rayon sakini, əvvəllər oğurluq və narkotiklərlə əlaqəli cinayətlərə görə məhkum olunmuş X.İsmayılov saxlanılıb.

Araşdırma aparılır.