Bakıda məşhur ticarət mərkəzinin qarşısında qadını maşın vurdu - VİDEO - YENİLƏNİB

Nəsimi rayonunun Neftçilər prospektində baş verən yol-nəqliyyat hadisəsi zamanı xəsarət alan piyadanın vəziyyəti açıqlanıb.

Bu barədə Respublika Təcili və Təxirəsalınmaz Tibbi Yardım Mərkəzindən və Kliniki Tibbi Mərkəzindən birgə məlumat verilib.

Bildirilib ki, fevralın 18-də saat 22:00-da Respublika Təcili və Təxirəsalınmaz Tibbi Yardım Mərkəzinə Səbail rayonu, Dəniz Vağzalının yerləşdiyi ərazidən çağırış qeydə alınıb.

"Çağırış ünvanına təcili tibbi yardım briqadası cəlb olunub. Hadisə nəticəsində 1988-ci il təvəllüdlü şəxs (qadın) müştərək travma diaqnozu ilə Kliniki Tibbi Mərkəzə hospitalizasiya olunub. Pasiyentə epidural qansızma diaqnozu təyin olunub və zəruri tibbi yardım göstərilib.

Pasiyentin müalicəsi Reanimasiya şöbəsində davam etdirilir, vəziyyəti ağır olaraq qiymətləndirilir", - deyə birgə məlumatda bildirilib./oxu.az

***14:30

Nəsimi rayonunun Neftçilər prospektində baş verən yol-nəqliyyat hadisəsi zamanı xəsarət alan piyadanın vəziyyəti məlum olub.

Respublika Təcili və Təxirəsalınmaz Tibbi Yardım Mərkəzindən bildirilib ki, fevralın 11-də saat 22:01 -də Respublika Təcili və Təxirəsalınmaz Tibbi Yardım Mərkəzinə Nəsimi rayonu, Neftçilər prospektindən çağırış qeydə alınıb.

"Çağırış ünvanına təcili tibbi yardım briqadası cəlb olunub. Hadisə nəticəsində 23 yaşlı şəxs (qadın) müştərək travma diaqnozu ilə Kliniki Tibbi Mərkəzə hospitalizasiya olunub", - deyə məlumatda vurğulanıb./oxu.az

***12:18

Nəsimi rayonunun Neftçilər prospektində baş verən yol-nəqliyyat hadisəsinin təfərrüatı məlum olub.

Bakı Şəhər Dövlət Yol Polisi İdarəsinin bölmə rəisi, polis mayoru Toğrul Nəsirli bildirib ki, hadisə fevralın 18-də saat 21:50-də qeydə alınıb.

"KIA markalı 99-QV-175 dövlət nömrə nişanlı nəqliyyat vasitəsinin sürücüsü Vəlizadə Səbrin yolu piyadalar üçün nəzərdə tutulmayan yerdən keçən Fərdan Ədilovanı vurub. Hadisə nəticəsində piyada xəsarət alıb.

Faktla bağlı Nəsimi Rayon Polis İdarəsində araşdırma aparılır", - deyə T.Nəsirli bildirib.
***

Bakının Nəsimi rayonunda mərkəzi prospektlərindən biri olan Neftçilər prospektində yol-nəqliyyat hadisəsi baş verib.

Avtosfer.az oxu.az-a istinadən xəbər verir ki, hadisə ötən gün axşam saatlarında "Cresent Mall" Ticarət Mərkəzinin qarşısında qeydə alınıb.

Hadisənin baş verməsinə səbəb piyadanın yolu sürətli nəqliyyat axını olan yerdən keçməyə cəhd etməsi olub.

Faktın dəqiqləşdirilməsi üçün aidiyyəti üzrə sorğu verilib.