Bakıda və Bərdədə avtomobillər qaçırıldı

Dekabrın 1-də saat 10 radələrində Nərimanov rayonu ərazisində yerləşən avtoyuma məntəqələrinin birindən “Hyundai” markalı avtomobilin qaçırılması barədə 18-ci Polis Şöbəsinə məlumat daxil olub.

Avtosfer.az xəbər verir ki, polis əməkdaşlarının keçirdikləri tədbirlərlə nəqliyyat vasitəsini qaçırmaqda şübhəi bilinən avtoyuma məntəqəsində işləyən Bakı şəhər sakini M.Məmmədquliyev Yasamal rayonu ərazisində avtomobillə saxlanılıb. 

Faktla bağlı Nərimanov Rayon Polis İdarəsində araşdırma aparılır.

Daha bir avtomobil oğurluğu Bərdədə qeydə alınıb. 

Bərdə Rayon Polis Şöbəsi əməkdaşlarının daxil olan məlumat əsasında keçirdikləri tədbirlərlə dekabrın 1-də şəhər ərazisindən “VAZ-2107” markalı avtomobili qaçırmaqda şübhəli bilinən Gərənə kənd sakini, əvvəllər məhkum olunmuş F.Vəliyev avtomobillə saxlanılıb. 

Bərdə Rayon Polis Şöbəsində araşdırma aparılır.