“Bakubus”da “yüksək performans”: Sürücü yolboyu mesajlaşaraq avtobus sürdü - VİDEO

Sükan arxasında yolboyu mobil telefonla danışan sürücü görüntülənib.
Hadisəylə bağlı izləyicimiz Avtosfer.az-a videomaterial göndərib. Bildirib ki, olay bugün (29 noyabr) saat 10:14 radələrində “BakuBus” MMC-yə məxsus 14 nömrəli marşrut xətti üzrə hərəkət edən avtobusda qeydə alınıb. Videodan aydın göründüyü kimi, sürücü mobil telefondan istifadə edərək nəqliyyat vasitəsini sürüb. İzləyicinin iddiasına görə, o, mesajlaşdığı üçün işıqforun yaşıl işığı yansa da avtobusun hərəkətini ləngidib və yolda sıxlığın yaranmasına səbəb olub. Lentə alınan digər kadrda isə sərnişinlər qəza riski ilə üz-üzə qalıb. İddiaya əsasən, yenidən telefonla danışan sürücü bu dəfə yolu dönən avtomobili görməyib və anidən manevr edərək təhlükədən yayınıb.

Nərmin