“BakuBus”ın anbarında yanğın olub - VİDEO

Bakı şəhəri, Suraxanı rayonunda yerləşən “BakuBus” MMC-də yanğın baş verib.

Avtosfer.az-ın məlumatına görə, hadisə anbarda qeydə alınıb.

Fövqəladə Hallar Nazirliyindən Avtosfer.az-a bildirilib ki, rayonun Zığ şosesi yaxınlığında ümumi sahəsi 2370 kvadratmetr olan avtomobil təmiri mərkəzində sahəsi 168 kv.m olan anbarın yanar konstruksiyaları və içərisində təsərrüfat malları qismən yanıb:

“Yanğına çevik müdaxilə, cəlb edilən qüvvələrin əlaqəli və effektiv idarə edilməsi sayəsində yanğının geniş əraziyə yayılmasının qarşısı alınıb, yanğın qısa müddətdə söndürülüb. Tikilinin böyük hissəsi yanğından mühafizə olunub”.

“BakuBus” MMC-dən isə sorğumuza cavab verilməyib.