Balakəndə vətəndaş qəbulda vəzifəli şəxsləri söydü, həbs olundu

Balakən rayon sakini icra hakimiyyətinin inzibati binasında keçirilən vətəndaş qəbulunda ucadan səs-küy salaraq vəzifəli şəxslərə qarşı nalayiq ifadələr işlədib.

Oxu.az-ın əldə etdiyi məlumata görə, bu, qəbul prosesisinin pozulmasına səbəb olub. 
Onun barəsində icra hakimiyyətinin rəhbərliyi tərəfindən polisə rəsmi müraciət edilib və barəsində akt tərtib olunub.

Həmin şəxs barəsində toplanmış materiallar baxılması üçün rayon məhkəməsinə göndərilib və məhkəmənin qərarı ilə M.Məmmədov 10 sutka inzibati həbs edilib.