Balta ilə məktəbliləri yaralayan şəxsə HÖKM OXUNDU - FOTO

Məhkəmə balta ilə məktəbdə şagirdlərə hücum edən yeniyetmə haqqında hökm verib.

Avtosfer.az xəbər verir ki, hadisə fevralın 13-də Qazaxıstanın Petropavlovsk şəhərində baş verib.

Belə ki, 9-cu sinif şagirdi təhsil aldığı məktəbə bel çantasında balta və bıçaq gətirib. Üzünə maska taxaraq əlində balta ilə dəhlizə çıxdıqdan sonra ətrafdakılara hücum edib. Üç şagirdə bir neçə zərbə endirməyə müvəffəq olan məktəbli müəllimlər tərəfindən saxlanılaraq polisə təhvil verilib. Faktla bağlı cinayət işi açılıb.

Noyabrın 30-da məhkəmənin qərarı ilə 15 yaşlı yeniyetmə adam öldürməyə cəhddə təqsirli bilinərək 6 il 9 ay müddətinə azadlıqdan məhrum edilib.

Qeyd edək ki, o, cəzasını yetkinlik yaşına çatmayanlar koloniyasında çəkəcək.

Məhəbbət Tərlanoğlu