Beton tökən qurğu Ordubad sakininin ölümünə səbəb oldu

Naxçıvanda fəhlə tikinti zamanı ölüb.

Bu barədə Ordubad Rayon Prokurorluğundan bildirilib.

Məlumata görə, avqustun 26-da 1980-ci il təvəllüdlü İlham Hüseynov Ordubad rayonunun Vənənd kəndində iaşə obyektinin tikintisi zamanı beton tökən qurğunun başlığının ona dəyməsi nəticəsində vəfat edib.

Faktla bağlı Ordubad Rayon Prokurorluğunda araşdırma aparılır.