Binəqədidə avtomobil ehtiyat hissələrinin satışı mağazasında yanğın olub

Bakı şəhərinin Binəqədi rayonunda ümumi sahəsi 1260 m² (hər mərtəbəsi 420 m²) olan üçmərtəbəli tikilinin 2-ci mərtəbəsində ümumi sahəsi 80 m² olan avtomobil ehtiyat hissələrinin satışı mağazasının taxta üzlüyü, içərisində olan taxta rəflər, avtomobil ehtiyat hissələri və 1 ədəd kondisioner yanıb.

Avtosfer.az Fövqəladə Hallar Nazirliyinin saytına istinadən xəbər verir ki, tikilinin qalan hissəsi yanğından mühafizə olunub. Yanğın yanğından mühafizə bölmələri tərəfindən söndürülüb.