Bu küçədə kim yol verməlidir? - Sürücülər çaş-baş qalıb - VİDEO

Bakıda natamam quraşdırılmış yol nişanları sürücüləri çaş-baş salıb. Avtosfer.az xəbər verir ki, söhbət paytaxtın Səməd Vurğun - Bəşir Səfəroğlu küçələrinin kəsişməsindən gedir. Belə ki, Səməd Vurğun küçəsində 2.1 baş yol nişanı quraşdırılıb. Lakin Bəşir Səfəroğlu küçəsində "yol ver" nişanı olmadığı üçün hər iki istiqamətdən gələn sürücülər çaş-baş qalır.

Qanunvericiliyə görə, 2.1 baş yol nişanı 2.2 baş yolun sonu nişanının qoyulduğu yerədək baş yol statusunu saxlayır. Lakin buna baxmayaraq 2.1 nişanı hər bir kəsişmədə təkrarlanmalı, həmin yolla kəsişən küçələrə isə müvafiq olaraq 2.4 "yol ver" və ya 2.5 "stop" nişanı quraşdırılmalıdır. Bir sözlə, üstünlük nişanları komplektləşdirilmiş şəkildə quraşdırılmalıdır. Əks halda qəzalar qaçılmaz ola bilər.

Leyla