Ceyranbatanda mənzildə partlayış: yaralı var - FOTO

Hadisə 10 Dekabr 2023 11:48 Oxunub 398
Ceyranbatanda mənzildə partlayış: yaralı var    - FOTO
WhatsApp kanalımıza abunə ola bilərsiniz

Ceyranbatan qəsəbəsi ərazisində mənzildə partlayış baş verməsi zamanı yaralanan İbadova Lyudmila üzün və hər iki əlin termik yanığı ilə mərkəzə yerləşdirilib, vəziyyəti stabildir.

Bu barədə Nərimanov Tibb Mərkəzinin nəzdindəki Yanıq Mərkəzindən bildirilib. (apa)

***

Fövqəladə Hallar Nazirliyinin “112” qaynar telefon xəttinə Abşeron rayonu, Ceyranbatan qəsəbəsi ərazisində mənzildə partlayış baş verməsi barədə məlumat daxil olub.

Fövqəladə Hallar Nazirliyindən Avtosfer.az-a verilən xəbərə görə, məlumatla əlaqədar dərhal FHN-in Dövlət Yanğından Mühafizə Xidməti Abşeron Rayon Yanğından Mühafizə Hissəsinin qüvvələri əraziyə cəlb olunub.

Hadisə yerində əməliyyat şəraitinin qiymətləndirilməsi zamanı beşmərtəbəli yaşayış binasının 4-cü mərtəbəsində yerləşən ümumi sahəsi 47m² olan üçotaqlı mənzilin eyvanında, ilkin ehtimala görə, məişət qazının sızması nəticəsində yanğınla nəticələnməyən partlayışın baş verdiyi müəyyən olunub.

Hadisə zamanı eyvanın pəncərə çərçivələri yerindən çıxıb, 2 otağın pəncərələri qırılıb.

Hadisə nəticəsində mənzilin sahibi 1953-cü il təvəllüdlü İbadova Lyudmila Viktorovna xəsarət alıb.

FHN əməkdaşları tərəfindən ərazidə müvafiq təhlükəsizlik tədbirləri görülüb.

Hadisə ilə əlaqədar aidiyyəti qurumlar tərəfindən araşdırma aparılır.

Ceyranbatanda mənzildə partlayış baş verib, yaralı var - FOTO Ceyranbatanda mənzildə partlayış baş verib, yaralı var - FOTO Ceyranbatanda mənzildə partlayış baş verib, yaralı var - FOTO Ceyranbatanda mənzildə partlayış baş verib, yaralı var - FOTO Ceyranbatanda mənzildə partlayış baş verib, yaralı var - FOTO

ŞƏRH YAZ
Ad

E-mail

Şərh