Daşkənd-Dubay reysi ilə uçan təyyarə İranda təcili eniş edib

Daşkənd-Dubay reysi ilə uçan təyyarə İranın Şiraz şəhərində təcili eniş edib.

Avtosfer.az-ın məlumatına görə, bu barədə İranın Fars əyalətinin meriyasından bildirilib.

Qeyd olunub ki, Daşkənddən Dubaya uçan "Fly Dubai" aviaşirkətinə məxsus sərnişin təyyarəsi cümə axşamı Şirazda məcburi eniş edib.

Təyyarə İranın hava məkanından keçərkən pilotun vəziyyəti pisləşdiyi üçün o, Şiraz Hava Limanına təcili eniş tələb edib. Uçuş heyətinin dəyişdirilməsi tələbi ilə əlaqədar bu reysin operatorları Dubaydan yeni reys tələb ediblər və nəticədə sərnişinlər hava limanının tranzit hissəsinə keçirilib.