Dəmiryol Vağzalı ərazisindəki ticarət mərkəzində tüstülənmə olub

Bu gün saat 16:00 radələrində Bakı Dəmiryol Vağzalı ərazisində fəaliyyət göstərən ticarət mərkəzinin elektrik paylayıcısında baş vermiş qısaqapanma nəticəsində tüstülənmə qeydə alınıb.

“Azərbaycan Dəmir Yolları” QSC-dən Avtosfer.az-a verilən məlumata görə, dərhal hadisə yerinə Fövqəladə Hallar Nazirliyinin yanğınsöndürmə briqadası cəlb olunub, hadisənin qarşısı alınıb.

Məlumata görə, hadisə nəticəsində xəsarət alan yoxdur.