DSX-nin əsgəri vəfat etdi - FOTO - YENİLƏNİB

Xəbər verdiyimiz kimi, Dövlət Sərhəd Xidmətinin əsgəri Qurbanov Səid Ömər oğlu vəfat edib.

S.Qurbanov Tovuz rayonunun Dondar Quşçu kənd sakinidir.

O, doğulduğu kənddə dəfn olunacaq.

Xidmət zamanı qəfil vəfat edən əsgərimizin fotosunu təqdim edirik:

(qafqazinfo)

***

İyul ayının 30-da saat 17:10-da Dövlət Sərhəd Xidmətinin Sərhəd Qoşunlarının müddətli həqiqi hərbi xidmət hərbi qulluqçusu əsgər Qurbanov Səid Ömər oğlu xidmət etdiyi sərhəd zastavasında sərhəd naryadı xidmətindən qayıdarkən səhhəti qəflətən pisləşib.

Bu barədə Dövlət Sərhəd Xidmətindən bildirilib.

Qeyd olunub ki, dərhal yerindəcə ilkin tibbi yardım göstərilməsinə və yaxınlıqdakı yaşayış məntəqəsindən tibb işçilərinin çağırılmasına baxmayaraq hərbi qulluqçunun həyatını xilas etmək mümkün olmayıb. Faktla bağlı hərbi prokurorluq əməkdaşları ilə birlikdə araşdırma aparılır.

Dövlət Sərhəd Xidmətinin rəhbərliyi hərbi qulluqçunun ailəsinə və yaxınlarına dərin hüznlə baş sağlığı verir.