Ermənistanda üç hərbçi bıçaqlanıb

Ermənistanın Vardenis rayonunda ehtiyatda olan üç hərbçi bıçaqlanıb. Avtosfer.az "Report"a istinadən xəbər verir ki, bu barədə "News.am" Ermənistan Müdafiə Nazirliyinə istinadən məlumat yayıb. "Xəsarət alan hərbçilərin həyatı üçün təhlükə yoxdur, onlar hospitalın tibbi heyətinin nəzarəti altındadırlar. Hadisənin səbəblərini tam müəyyənləşdirmək üçün araşdırma başladılıb", - müdafiə qurumundan bildirilib.

***

Vardenisdə ehtiyatda olan hərbçilər arasında baş vermiş insidentlə bağlı bir nəfər saxlanılıb. Bu barədə İstintaq Komitəsinin mətbuat xidməti məlumat yayıb. Komitənin məlumatına görə, cinayət işi çərçivəsində saxlanılan şəxs ehtiyatda olan hərbçilərin təlim düşərgəsində iştirak edən şəxslərdən biri olub.