Əsəbiləşən sürücü dəfələrlə qayda pozdu - VİDEO

Dəfələrlə qayda pozan sürücü digər avtomobillərin hərəkətinə maneə yaradıb.
Avtosfer.az xəbər verir ki, hadisə bugün səhər saat 08:00 radələrində Bakı-Sumqayıt yolunda qeydə alınıb. Görüntülərdən məlum olduğu kimi, 50-CM-913 qeydiyyat nişanlı, “VAZ-2101” markalı maşın dəfələrlə qayda pozaraq digər nəqliyyat vasitələrinə qəza şəraiti yaradıb. Belə ki, maşının sol güzgüsünün olmaması arxadan gələn avtomobilləri görməməsinə səbəb olub. Yüksək sürətlə hərəkət edən nəqliyyat vasitələrinin qəflətən qarşısına keçən “01” sürücüsü önünün boş olmasına baxmayaraq yavaş sürətlə irəliləyib. Üstəlik arxadan gələn avtomobil sürəti yüksəltməsini, ya da zolağı boşaltmasını istəyəndə anidən əyləcə basıb. Zolağını dəyişən “01” daha sonra arxadan gələrək siqnal verib və onun qayda pozuntusuna göz yummayan sürücüyə əsəbləşib. Etdiyi əməllə kifayətlənməyən sürücü sağdan ötmə edərək sol zolaqda hərəkət edən maşının qarşısına keçib. Qayda pozuntusu alışqanlığına davam edən sürücü fikrini dəyişərək qəfil manevrlə sağ zolağa keçib. 

Nərmin