Gecə avtomobilin şüşəsini sındıraraq pul kisəsini oğurladılar - ANBAAN VİDEO

Sumqayıtda avtomobildən pul kisəsi oğurlanıb.

Avtosfer.az bu barədə baku.ws-ə istinadən xəbər verir.

Bildirilib ki, hadisə fevralın 27-si gecə saat 3 radələrində, şəhərin Kotec qəsəbəsi adlanan ərazisində, ev 26 ünvanında qeydə alınıb. 

Bu zaman naməlum şəxs avtomobilin ön şüşəsini qıraraq içəridə olan pul kisəsini götürüb və oradan uzaqlaşıb. Baş verənlər ərazidəki təhlükəsizlik kamerasına anbaan əks olunub.

Zərərçəkmişin sözlərinə görə, pul kisəsində 1500 manat pul olub.

Hadisə ilə bağlı Sumqayıt Şəhər Baş Polis İdarəsinin 4-cü polis bölməsinə məlumat verilib.

Oğurluq anının görüntülərini təqdim edirik.