Gəncədə dostunu öldürən şəxsə hökm oxunub

Gəncədə dostunu güllələyərək öldürən Rövşən Hətəmovun cinayət işi üzrə məhkəmə prosesi keçirilib. Avtosfer.az APA-ya istinadən xəbər veri ki, Gəncə Ağır Cinayətlər Məhkəməsində hakim Elşən Vəliyevin sədrliyi ilə keçirilən prosesdə hökm oxunub. Hökmə əsasən, təqsirləndirilən Rövşən Hətəmov 12 il müddətinə azadlıqdan məhrum edilib.

Qeyd edək ki, hadisə bu il iyunun 15-də Gəncə şəhəri Cavadxan qəsəbəsində baş verib. Rövşən Hətəmov 42 yaşlı dostu Vüsal Əhmədovu ov tüfəngi ilə qətlə yetirib. Təqsirləndirilən şəxs Cinayət Məcəlləsinin 120.1-ci (Qəsdən adam öldürmə) maddəsi ilə ittiham edilib.