Gəncədə külək fəsadlar törədib, irigövdəli ağac evin üzərinə aşıb

Gəncə şəhərində güclü külək ağacı yaşayış binasının üzərinə aşırıb.

“Report”un Qərb bürosunun məlumatına görə, hadisə Şahlar Hüseynov küçəsində baş verib.

Nəticədə Akif Qəmbərova məxsus mənzilə zərər dəyib.

Məlumata görə, həmin ağac quruduğundan bir müddət əvvəl sakinlər tərəfindən aidiyyəti qurumlara dəfələrlə müraciət olunub. Lakin vaxtında heç bir tədbir görülməyib.