Gəncədə qonşular arasında kütləvi dava: Bir nəfər öldü, “VAZ 2107” sürücüsü saxlanıldı

Gəncədə qonşular arasında kütləvi dava bir nəfərin ölümünə səbəb olub.

Bu barədə APA məlumat yayıb.

Davaya müdaxilə etmək istəyən bir nəfər qonşuları ayırmaq istəyən Alim Məmmədovu və yol kənarında dayanmış 1957-ci il təvəllüdlü Səlminaz Bağırovanı avtomobillə vurub. Aldığı xəsarətlərdən xəstəxanaya aparılan 1952-ci il təvəllüdlü Alim Məmmədov dünyasını dəyişib.

“VAZ 2107” markalı avtomobilin sürücüsü 1995-ci təvəllüdlü Orxan Nağıyev saxlanılıb.

02:06

Gəncədə kütləvi dava olub.

Lent.az xəbər verir ki, hadisə şəhərin Səməd Vurğun küçəsində qeydə alınıb.

Belə ki, iki qonşu arasında dava düşüb.

Davaya müdaxilə etmək istəyən başqa şəxs qonşulardan birini döyüb.

Hadisə yerinə gələrkən həmin şəxs, qonşuları ayırmaq istəyən başqa adamı idarə etdiyi VAZ-2107 markalı avtomobillə vurub.

Xəsarət alanlardan biri qadın digəri isə kişidir.

Yaralılar xəstəxanaya yerləşdirilib.

Kişinin vəziyyətinin ağır olduğu bildirilir.

Hadisə yerinə polis əməkdaşları cəlb olunub.