Gömrükdən gizlədilən külli miqdarda siqaret və pirotexniki vasitə aşkarlandı - FOTO
Hadisə
12 Avqust 2023 23:00
Oxunub 824
Rusiyadan Azərbaycana gələn Azərbaycan vətəndaşının idarə etdiyi yük nəqliyyat vasitəsinə Xaçmaz gömrük idarəsinin “Samur” gömrük postunda gömrük baxışı keçirilib.
Bu barədə Avtosfer.az-a Dövlət Gömrük Komitəsindən bildirilib.
Şifahi sorğu-sual zamanı sürücü nəqliyyat vasitəsində gömrük orqanına bəyan edilməyən, gömrük nəzarətindən gizlədilən hər hansı predmetin olmadığını bildirib. Lakin sürücünün davranışları gömrük əməkdaşlarında şübhə doğurduğundan avtomobilin stasionar rentgen qurğusunda yoxlamadan keçirilməsinə qərar verilib.
Gömrük baxışı zamanı avtomobilin qoşqusunda şübhəli təsvirlər müşahidə olunub və yükə yoxlama qrupu tərəfindən təkrar baxış keçirilib.
Nəticədə nəqliyyat vasitəsinin qoşqusunun döşəməsi sökülərkən əvvəlcədən quraşdırılan gizli saxlanc yerindən gömrük orqanına bəyan edilməyən, gömrük nəzarətindən gizlədilən 8 adda 282 200 ədəd siqaretlər, 4 320 ədəd pirotexniki vasitə aşkar edilib.
ŞƏRH YAZ
