Goranboyda avtomobil aşıb, xəsarət alanlar var

Goranboyda xəsarətlə nəticələnən yol-nəqliyyat hadisəsi olub.

Avtosfer.az xəbər verir ki, hadisə Balakürd kəndində qeydə alınıb. Avtomobilin idarəetmədən çıxaraq aşması nəticəsində 3 nəfər - 1948-ci il təvəllüdlü Murad Paşayev, 1959-cu il təvəllüdlü Tamella Muradova və 2012-ci il təvəllüdlü H.Paşalı xəsarət alıb. Onlar xəstəxanaya yerləşdirilib, xəsarət alanlardan M.Paşayevin vəziyyəti ağır, digərlərinin orta-ağır qiymətləndirilir. Faktla bağlı araşdırmalara başlanılıb.