Göyçayda şagirdi döyən müəllimə: "Dəlilik kağızım var" - DİN-dən AÇIQLAMA
Hadisə 9 Oktyabr 2022 20:40 Oxunub 504
Göyçayda şagirdi döyən müəllimə: "Dəlilik kağızım var" - DİN-dən AÇIQLAMA

Göyçayda müəllimə 11 yaşlı şagirdi döyüb. Bu barədə uşağın anası Fəxriyyə Xasməmmədova məlumat verib. "3 gün əvvəl qızım Aysu oxuduğu Göyçay Şəhər 5 saylı orta məktəbdə döyüldü. Həmin vaxt hadisənin üstündən keçdim. Bu gün həmin məktəbin tarix müəlliməsi Aytəkin Mikayılzadə qızımı daha kobud şəkildə təhqir edib və başını dəfələrlə partaya vurub. Bütün bunlar şagirdlərin gözü qarşısında olub. Hazırda uşağı ekspertizaya gətirmişik”, - deyə müraciətdə bildirilir.

Fəxriyyə Xasməmmədova müəlliməyə ondan şikayət edəcəklərini dedikdə qəribə cavabla qarşılaşıb.Tarix müəlliməsi valideynə bildirib ki, hara istəsələr, şikayət etsinlər, onsuz da onun dəlilik kağızı var.

Xatırladaq ki, hadisə ilə bağlı Daxili İşlər Nazirliyinin 102 zəng xidmətinə və Göyçay Rayon Polis İdarəsinə rəsmi ərizə ilə müraciət olunub.

DİN-in Mətbuat Xidmətinin Şəki regional qrupunun baş inspektoru, polis kapitanı Mahir Məsimov Avtosfer.az-a bildirib ki, qeyd olunan məsələ 5 il bundan əvvəl baş verib. Həmin vaxt Göyçay Rayon Polis Şöbəsində təhqiqat araşdırmaları aparılıb və valideyn tərəfindən də şikayət geri götürüldüyü üçün materialın icrası dayandırılıb. Zərərçəkən qismində göstərilən şagird isə  hazırda həmin təhsil müəssisəsinin 11-ci sinfində oxuyur.

ŞƏRH YAZ
Ad

E-mail

Şərh