Həbsxanada tanış olan üç nəfər Oğuzda maşın oğurlayıb Bakıya qaçdı - FOTO - VİDEO
Hadisə 28 Oktyabr 2022 15:38 Oxunub 470
Həbsxanada tanış olan üç nəfər Oğuzda maşın oğurlayıb Bakıya qaçdı  - FOTO - VİDEO

Cəzaçəkmə müəssisəsində tanış olan üç nəfər keçmiş məhkum Oğuz rayonunda oğurluq ediblər. Bu barədə Avtosfer.az-a DİN-in Mətbuat Xidmətinin Şəki regional qrupundan məlumat verilib. Belə ki, rayonun Bucaq kəndi ərazisində yerləşən evlərin birindən televizor, mağazadan tütün məmulatları və pul oğurlanıb, eləcə də bir ünvandan oğurluğa cəhd olunub. Naməlum şəxslər daha sonra kənd sakininə məxsus “Mercedes” markalı avtomobili qaçırıblar. Polis əməkdaşları tərəfindən hadisə yerlərinə baxış keçirilib və cinayət hadisələrini törədən şəxslərin kimliyi müəyyən olunub. Keçirilmiş əməliyyat-axtarış tədbirləri nəticəsində oğurluqları etməkdə şübhəli bilinən üç nəfər, əvvəllər də dəfələrlə eyni əmələ görə məhkum olunmuşlar - Elbrus Həsənov, Araz Hüseynov və Hümmət Məmmədov saxlanılıb. Araşdırma zamanı məlum olub ki, oğurluq məqsədilə Bakı şəhərindən Oğuza gələn dostlar burada niyyətlərini həyata keçirdikdən sonra “Mercedes” markalı avtomobili qaçıraraq Bakı şəhərinə gediblər. Onların qaçırdıqları nəqliyyat vasitəsinin yeri paytaxtda müəyyən olunaraq istintaqa təhvil verilib.
Qeyd edək ki, saxlanılan şəxslər müxtəlif cinayətlər etdikləri üçün əvvəllər məhkum ediliblər və cəzaçəkmə müəssisəsində tanış olublar. Azadlığa çıxandan sonra isə yenidən birlikdə oğurluqlar ediblər.

Faktla bağlı polis şöbəsində cinayət işi başlanılıb, hər üç şəxsin digər cinayətlərdə iştirakının olub-olmamasının müəyyən edilməsi məqsədilə zəruri istintaq hərəkətləri davam etdirilir.

FOTO QALEREYA
ŞƏRH YAZ
Ad

E-mail

Şərh