Həbsdəki qardaşına bibərin içində narkotik gətirdi - FOTO

Ədliyyə Nazirliyi Penitensiar xidmətinin əməliyyat aparatının əməliyyat-axtarış tədbirləri nəticəsində 5 saylı cəzaçəkmə müəssisəsinə narkotik və psixotrop maddələr keçirilməsinin qarşısı alınıb.

Qurumun mətbuat xidmətindən Avtosfer.az-a verilən məlumata görə, Cinayət Məcəlləsinin 127.1; 221.3; 66.2 və 69.3-cü maddələri ilə məhkum edilmiş Nicat Nahid oğlu Salahova qardaşı Yüksəl Xalid oğlu Dəmirovun gətirdiyi sovqatda şirin bibərin içərisində gizlədilmiş 3,315 qram heroin və 0,642 qram metamfetamin aşkar olunub.

Faktla bağlı araşdırma aparılır.