Hərbi texnikanı İrana aparan azərbaycanlı həbs olundu

Ötən ilin sonunda Moskva Apellyasiya Məhkəməsi hərbi texnikanın qanunsuz ixracı ilə bağlı iş üzrə qərar çıxarıb.

2021-ci ilin sentyabrında FSB əks-kəşfiyyatı Azərbaycan əsilli Rusiya vətəndaşı Əliyar Qasım oğlu Ağalarovu həbs edib. O, Mİ-381 və Mİ-381-1 maqnetronlarını “Tor” hava hücumundan müdafiə sistemində istifadə olunmaq üçün Azərbaycan ərazisindən qaçaqmalçılıq yolu ilə İrana daşıyıb.

FSB araşdırmasına görə, 2020-ci ilin sonunda Ağalarov Ukraynanın “Ukroboronprom” holdinqinin ixrac bölməsi “Ukroboroneksport” dövlət müəssisəsinin törəmə müəssisəsi olan “Ukroboronservis”in maraqlarını təmsil edən potensial ukraynalı alıcı ilə əlaqə saxlayıb.

Məhkəmə iclasında Hərbi-Texniki Əməkdaşlıq üzrə Federal Xidmət və Texniki və İxrac Nəzarəti üzrə Federal Xidmət 2007-ci ildə “Tor” sistemlərinin Tehrana satılmasına baxmayaraq, maqnetronların rəsmi kanallar vasitəsilə İrana çatdırılmadığını məhkəməyə təsdiqləyib. (lent.az)