Hindistanda şəxsi təyyarə uçuş-enmə zolağından çıxaraq yandı - FOTO

Güclü yağış zamanı Hindistanın Mumbay hava limanına eniş edən şəxsi təyyarə uçuş-enmə zolağından çıxaraq alovlanıb. Təyyarədə səkkiz nəfərin - altı sərnişin və iki ekipaj üzvünün olduğu bildirilir.

Məlumata görə, ən azı üç nəfər xəstəxanaya yerləşdirilib. Onların xəsarətlərinin nə qədər ciddi olduğu barədə hələlik məlumat yoxdur.

Mülki Aviasiya Baş Müdirliyinin məlumatına görə, təyyarə “Learjet 45” olub. O, Andhra-Pradeş ştatının Vişakhapatnam şəhərindən gəlib. (oxu.az)