“Koroğlu”da insident: Mübahisə edən sərnişinlər sürücünü yumruqladılar - VİDEO

Paytaxtın “Koroğlu” metrostansiyası yaxınlığında insident baş verib.
Avtosfer.az-ın məlumatına görə, xoşagəlməz hadisə martın 2-si saat 13:30 radələrində qeydə alınıb. 60 saylı marşrut xətti üzrə hərəkət edən avtobusun sürücüsüylə sərnişinlər arasında mübahisə yaranıb. Görüntüdən aydın olduğu kimi, sürücüylə münaqişə edən sərnişinlər ona şiddət göstəriblər. Belə ki, onlar növbə ilə sürücünü yumruqlayıblar. Yaxınlıqdakı insanlar getdikcə yüksələn davaya müdaxilə edərək əsəbiləşən sərnişinləri avtobusdan kənarlaşdırıblar.
Qeyd edək ki, görüntü sosial şəbəkədə müzakirəyə səbəb olub. İstifadəçilər sözügedən avtobusda belə halların sıx baş verdiyini vurğulayıblar.  

Nərmin