Kürdəmirdə toyda DAVA – Qonaqlar müğənnini və sürücüsünü şil-küt etdilər - YENİLƏNİB

Kürdəmirdə döyülən müğənninin kimliyi məlum olub.

Lent.az-ın əldə etdiyi məlumata görə, həmin müğənni Nurlan Əliyevdir.

Onun rayon ərazisində müğənni kimi fəaliyyət göstərdiyi bildirilir.

***

Kürdəmir Rayon Polis Şöbəsinə oktyabrın 12-də saat 22 radələrində Ərəbqubalı kəndində keçirilən toy məclisində 2 nəfərin xuliqanlıq zəminində müğənnini və onun sürücüsünü döymələri barədə məlumat daxil olub.  

Bu barədə Avtosfer.az-a Daxili İşlər Nazirliynin mətbuat xidmətindən məlumat verilib.  

Məlumatda qeyd olunur ki, polis əməkdaşları tərəfindən müvafiq tədbirlər həyata keçirilib.  

Bu əməli törətməkdə şübhəli bilinən kənd sakinləri Elşən Şirinov və Qaçay Şirinov müəyyən olunaraq saxlanılıblar.  

Hadisə ilə bağlı araşdırma aparılır.