London aeroportunda onlarla avtomobil alovlar içində: Zərərçəkənlər var - VİDEO

Britaniya paytaxtının Luton aeroportunda güclü yanğın olub. Hadisə nəticəsində onlarla avtomobil yanıb, azı yeddi nəfər tüstüdən zəhərlənib.

Fövqəladə hadisə ötən gecə baş verib.

Yanğın hava limanında dayanacaqdan başlayıb və bir neçə mərtəbəni əhatə edib. Hadisə şahidlərinin sözlərinə görə, partlayış səsləri də eşidilib.

Baş verənlərlə əlaqədar aeroport oktyabrın 11-də saat 12:00-a qədər (Bakı vaxtı ilə 15:00) bütün uçuşları dayandırıb.

oxu.az