Masallıda 25 yaşlı gənci qətlə yetirməkdə şübhəli bilinən şəxs saxlanıldı - YENİLƏNİB

Keçirilən əməliyyat-axtarış tədbirləri nəticəsində həmin cinayət əməlini törətməkdə şübhəli bilinən Masallı rayon sakini, 2000-ci il təvəllüdlü Höccət Soltanov polis əməkdaşları tərəfindən saxlanılıb.

Faktla bağlı araşdırma aparılır.

***

Masallı rayonunun Musaküçə kənd sakini, 1998-ci il təvəllüdlü Elməddin Kərimovun kəsilmiş-deşilmiş xəsarətlərlərdən ölməsi ilə bağlı polisə məlumat daxil olub.

Bu barədə Avtosfer.az-a DİN-in Mətbuat Xidmətinin regional qrupundan məlumat verilib.

Polis əməkdaşları tərəfindən cinayət əməlini törətməkdə şübhəli bilinən şəxs və ya şəxslərin saxlanılması istiqamətində əməliyyat-axtarış tədbirləri görülür.

***

Masallı rayonunda 25 yaşlı gənc bıçaqlanaraq qətlə yetirilib.

Hadisə Musaküçə kəndində qeydə alınıb.

Belə ki, həmin kəndin sakini, 1998-ci il təvəllüdlü Elməddin Kərim oğlu Kərimov yaralı halda, təcili yardım xidmətinin köməyi ilə xəstəxanaya çatdırılıb. Həkimlərin müdaxiləsinə baxmayaraq, onun həyatını xilas etmək mümkün olmayıb.

Qətlin hansı səbəbdən törədildiyi hələ ki məlum deyil.

Faktla bağlı Masallı Rayon Prokurorluğunda araşdırma aparılır. (report)